პოლონეთში საქართველოს 4 მოქალაქე დააკავეს. ინფორმაციას პოლონური მედია RMF FM ავრცელებს და წერს, რომ ლოძის რაიონის ქალაქ ველუნში დაკავების ოპერაციაში პოლონელი პოლიციელების გარდა, სასაზღვრო დაცვის თანამშრომლები და ანტიტერორისტული სამსახურიც მონაწილეობდა.
პოლონური მედიის, RMF FM-ის რეპორტიორის ინფორმაციით, ეს იყო მასშტაბური ოპერაცია მათივე ინფორმაციით, ერთ-ერთ ქართველის დაკავება პოლონეთს ლიტვის მართლმსაჯულების სისტემამ დაავალა, დაკავებულს ევროპული საგამოძიებო ორდერით (EAW) ეძებდნენ.
პოლონური მედიის ინფორმაციით, საქმის დეტალები გასაიდუმლოებულია. RMF FM აღნიშნავს, რომ მათი არაერთი მცდელობისა, გაეგოთ რას უკავშირდებოდა დაკავების ოპერაცია, პასუხი ვერ მიიღეს. მედიის ვარაუდით, იმის გათვალისწინებით, რომ ოპერაციაში კონტრტერორისტული ქვედანაყოფიც მონაწილეობდა, საქმე სერიოზულ დანაშაულს ეხება.