ქობულეთის მუნიციპალიტეტში ძროხები და ცხენები მოიპარეს

ქობულეთის მუნიციპალიტეტში, სოფელ ხუცუბანში ძროხები და ცხენები მოიპარეს – ინფორმაციას “აჭარა თაიმსი” ავრცელებს.
გამოცემის ცნობით, დანაშაულთან დაკავშირებით რამდენიმე ადამიანია დაკავებული, მათ შორის საქართველოსა და აზერბაიჯანის მოქალაქეები.
მათივე ინფორმაციით, დაკავებულები შეთანხმებული სქემით მოქმედებდნენ, ისინი ძროხებსა და ცხენებს იპარავდნენ და სოფელ ხუცუბანში ნაქირავები კერძო სახლის ავტოფარეხში მალავდნენ, მოგვიანებით კი სენაკში გადაჰყავდათ.