რეჟისორი ბაკურ ბაკურაძე სოციალურ ქსელში მიმართვას ავრცელებს:
“დედამიწაზე მცხოვრები ადამიანების უმრავლესობას გვინდა მშვიდი, წყნარი, შეძლებისდაგვარად კომფორტული და ლაღი ცხოვრება.
განა, ასეთი ძნელია 21-ე საუკუნეში პლანეტის მიხედვა და მოვლა?
თქვენ, ვინც წყვეტთ მსოფლიოსა და თქვენი ქვეყნების ბედს, განა არ შეგიძლიათ, რომ მშვიდობიანად მოილაპარაკოთ და არ არყიოთ კუნთების თამაშით ხან აღმოსავლეთი და ხან დასავლეთი? არ გააუბედუროთ ოჯახები და არ აყაროთ ბომბები იმათ, ვისაც უბრალოდ მშვიდი ცხოვრება უნდათ?
მაშინ რა საჭირო ხართ, სადაც ხართ?
ვინ მოგცათ უფლება გაგვამწაროთ?
ვინ მოგცათ უფლება ამოგვწყვიტოთ?
ვინ მოგცათ უფლება მოგვატყუოთ?
ვინ ხართ?
რა გინდათ?
ეს ყველას ეხება დაწყებული აღმოსავლეთიდან, დამთავრებული დასავლეთამდე!
ნუთუ, ვერ გაიზარდა კაცობრიობა ამდენი საუკუნე, რომ პირველყოფილებივით არ იქცეოდნენ ჩვენს მიერ არჩელი ქვეყნის მმართველები?”, – წერს ბაკურაძე “ფეისბუქი”-ს პირად გვერდზე.