ვოლოდიმირ ზელენსკი განცხადებას ავრცელებს

კიევში ამ მომენტშიც ისმის განგაშის ხმა, რაც ნიშნავს, რომ ომის დასრულების შესახებ შეთანხმება მიღწეული არ არის – აღნიშნულის შესახებ უკრაინის პრეზიდენტმა, ვოლოდიმირ ზელენსკიმ პოლონეთის პრემიერ-მინისტრ დონალდ ტუსკთან შეხვედრის შემდეგ გამართულ პრესკონფერენციაზე განაცხადა.

“ამ მომენტშიც ისმის განგაშის ხმა. ეს ნიშნავს, რომ ომის დასრულების შესახებ შეთანხმება მიღწეული არ არის. ვფიქრობ, ეს ყველას გვესმის“ – აღნიშნა ზელენსკიმ.

მისივე განცხადებით, ისინი შეთანხმდნენ, რომ შემდეგი შეხვედრა უახლოეს მომავალში გაიმართება, თუმცა კონკრეტული თარიღი ზელენსკის არ დაუსახელებია.

“ისაუბრეს ყველაფერზე. მიიჩნევენ, რომ ინფორმაცია საკმაოდ სენსიტიურია. სურთ, ჩამოვიდნენ და მე მაცნობონ დეტალურად. მას შემდეგ, რაც მეცოდინება, სად ვიმყოფებით, მექნება თქვენთან კომუნიკაცია. მნიშვნელოვანია, რომ პროცესი წინ მიიწევს. ჩვენ უფრო სწრაფი შედეგები გვინდა. შემდეგი შეხვედრა თუ გაიმართება, მაშინ დიალოგის გაგრძელების შანსი არსებობს, რამაც ნამდვილად გვინდა, ომის დასრულებამდე მიგვიყვანოს“, – განაცხადა უკრაინის პრეზიდენტმა.