ქობულეთში ავარიის შედეგად დაღუპულის ვინაობა ცნობილია

ქობულეთში ავარიის შედეგად დაღუპული 19 წლის ახალგაზრდა გუგალო კახიძეა – ინფორმაციას სოციალურ ქსელში მისი ახლობლები და მეგობრები ავრცელებენ.
დღეს ქობულეთში, ჩოლოქის დასახლებაში, ავტოსაგზაო შემთხვევას 19 წლის ახალგაზრდა გუგალო კახიძე ემსხვერპლა. ახალგაზრდა საკუთარი ავტომობილით მოძრაობდა, რა დროსაც ის გზის სავალი ნაწილიდან გადავიდა და დაჭაობებულ ადგილას ჩავარდა. ავტომობილი საგანგებო სიტუაციების მართვის სამსახურის თანამშრომლებმა ამოიყვანეს, ახალგაზრდა ადგილზე გარდაიცვალა. გამოძიება სსკ-ის 276-ე მუხლით დაიწყო, რაც ტრანსპორტის მოძრაობის ან ექსპლუატაციის წესის დარღვევას გულისხმობს