მწვავე მუცელი – მუცლის ღრუში მიმდინარე პრობლემის აღსანიშნავი სიმპტომთა ერთობლიობაა, რომელიც გადაუდებელ ქირურგიულ მკურნალობას მოითხოვს.
ეს შესაძლოა იყოს მწვავე ანთებითი პროცესი, შინაგანი სისხლდენა, ორგანოთა ტრავმული დაზიანება, ნაწლავური გაუვალობა და სხვა. მწვავე მუცელს ყველაზე ხშირად პრაქტიკაში სასწრაფო სამედიცინო დახმარების ექიმები იცნობენ.
მწვავე მუცლისთვის დამახასიათებელი ტკივილი იწყება უეცრად და გრძელდება საათები, ეს იმდენად ძლიერი ტკივილია, რომ ადამიანს უჭირს სუნთქვა და სიარული. ტკივილი ზოგჯერ მოიცავს მთელ მუცელს ან მის რომელიმე ნაწილს.
მწვავე მუცლის მიზეზები
მუცლის ძლიერი ტკივილით მიმდინარე სიმპტომოკომპლექსის გამომწვევი მიზეზებია:
მუცლის ღრუს ორგანოთა ტრავმული დაზიანება;
ნაწლავის, კუჭქვეშა ჯირკვლის, ნაღვლის ბუშტის მწვავე ანთებითი დაზიანებანი;
ნაწლავისა და კუჭის პერფორაციული (გახეთქვა, გასკდომა) დაზიანება;
მუცლის ღრუში სისხლდენა;
მწვავე ნაწლავური გაუვალობა;
ნაწლავის ჯორჯლის არტერიაში სისხლის მიმოქცევის მწვავე დარღვევა, გამოწვეული ათეროსკლეროზითა და თრომბოზით. განაგრძეთ კითხვა