თბილისის საქალაქო სასამართლოში ე.წ. ქურდულ სამყაროსთან კავშირის ბრალდებით დაკავებული 17 პირის სასამართლო პროცესი იწყება – მოსამართლე ლელა მარიდაშვილმა უნდა იმსჯელოს, გაუშვებს თუ არა წინასწარ, ორ თვიან პატიმრობაში მათ შორის ე.წ. კანონიერი ქურდის, რევაზ უბილავას დედას, 55 წლის მანანა ლიპარტელიანს და ძმას, ავაზ ხონელიძეს.
გამოძიება ამტკიცებს, რომ ქალი შვილის დავალებით, კრიმინალურ ავტორიტეტებს ეკონტაქტებოდა.
გაირკვა, რომ დღეს ჩანიშნულ პროცესზე მონაწილეობის მიღება უნდა “ჯვარსკისაც”. ამ ეტაპზე უცნობია, მიიყვანენ, ან მისცემენ თუ არა მას თუნდაც დისტანციურად ჩართვის საშუალებას.
რაც შეეხება ადვოკატის პოზიციას, ლექსო არქანია ამბობს, რომ “გამოძიება სუსტია”.
წარდგენილ ბრალდებას ისინი არ აღიარებენ, იმიტომ რომ სუსტის ბრალდების მხარე მტკიცებულებების ნაწილში. რაც შეეხება აღკვეთი ღონისძიების სახეს, ჩვენ სასამართლოში ნაკლებად მძიმე აღკვეთის ღონისძიების, გირაოს გამოყენების თაობაზე ვიშუამდგომლებთ. რევაზ უბილავა აპირებს პროცესში მონაწილეობას”- თქვა მან.
საქართველოს პროკურატურამ „კანონიერი ქურდობის”, „ქურდული სამყაროს“ წევრობის, „ქურდული სამყაროს“ საქმიანობის მხარდაჭერის და „კანონიერი ქურდისთვის” მიმართვის ფაქტებზე 60 პირს ბრალდება წარუდგინა.
პოლიციამ 45 მათგანი უკვე დაააკავა. გუშინ 6 მათგანი წინასწარ პატიმრობაში გაუშვეს.