მოსალოდნელი ამინდის შესახებ “მეტრონომი” მეტეოროლოგ კობა ფარტენაძეს დაუკავშირდა. როგორც მან ჩვენთან საუბრისას განაცხადა, დღეს საღამოდან როგორც დასავლეთ, ისე აღმოსავლეთ საქართველოში ნალექი შეწყდება.
“თბილისში იქნება ძლიერი ქარი, რომელიც გაგრძელდება დღეს საღამომდე, ქარის სიჩქარე კი მიაღწევს 28 მეტრ წამს.
ზღვაზე მოსალოდნელია შტორმი 4 ბალი. ამავდროულად, გზებზე ინტენსიური თოვის გამო შესაძლოა დაწესდეს შეზღუდვები.
კურორტებზეც მოსალოდნელია თოვლი, თუმცა უფრო ინტენსიური მაინც დასავლეთ საქართველოში იქნება, გოდერძის უღელტეხილი და გომარდული
აღმოსავლეთში ძირითადად მაინც უამინდობა გამოხატული იქნება ქარით და არა ძლიერი ნალექით.
დღეს საღამოდან დასავლეთშიც და აღმოსავლეთ საქართველოშიც ნალექი შეწყდება.ზეგიდან უკვე მოსალოდნელია სამი დღის განმავლობაში მზიანები ამინდები, ტემპერატურა დასავლეთ საქართველოში 20 გრადუსამდე მოიმატებს დასავლეთში კი 12 გრადუსამდე.
საბოლოო ჯამში ასეთი გამოდარება თებერვალში რამდენჯერმე გვექნება მაგრამ მაინც მომატებული ტემპერატურის ხარჯზე თბილი თვე გვექნება თებერვალი, თუმცა ეს არ ნიშნავს რომ ყოველ დღე იქნება 20 გრადუსი. როგორც დასავლეთში ასევე აღმოსავლეთში თებერვლის თვის განმავლობაში ერთი-ორი გრადუსით აიწევს ტემპერატურა” – განაცხადა კობა ფარტენაძემ.