მოსალოდნელი ამინდის შესახებ “მეტრონომი” მეტეოროლოგ კობა ფარტენაძეს დაუკავშირდა. როგორც მან ჩვენთან საუბრისას განაცხადა, ხვალ საღამოდან როგორც დასავლეთ, ისე აღმოსავლეთ საქართველოში ნალექი შეწყდება.
“თბილისში დღის ბოლოდან, საღამოს 7-8 საათიდან ამინდის მკვეთრი გაუარესებაა მოსალოდნელი. იქნება ძლიერი ქარი, რომელიც გაგრძელდება ხვალ საღამომდე, ქარის სიჩქარე კი მიაღწევს 28 მეტრ წამს. ქარის მაქსიმალური პიკი დედაქალაქში იქნება დღეს ღამის და გამთენიის საათებში, ხოლო შუადღის საათებიდან დაიწყებს გამოდარებას.
აღმოსავლეთ საქართველოში დღეს ქარია მოსალოდნელი, ხოლო დასავლეთ საქართველოში მოსალოდნელია წვიმა დაბლობსა და ბარში, ხოლო მაღალმთიან ქალაქებსა და სოფლებში თოვლი და ქარბუქია მოსალოდნელი.
ზღვაზე მოსალოდნელია შტორმი 4 ბალი. ამავდროულად, გზებზე ინტენსიური თოვის გამო შესაძლოა დაწესდეს შეზღუდვები.
კურორტებზეც მოსალოდნელია თოვლი, თუმცა უფრო ინტენსიური მაინც დასავლეთ საქართველოში იქნება, გოდერძის უღელტეხილი და გომარდული
აღმოსავლეთში ძირითადად მაინც უამინდობა გამოხატული იქნება ქარით და არა ძლიერი ნალექით.
ხვალ საღამოდან დასავლეთშიც და აღმოსავლეთ საქართველოშიც ნალექი შეწყდება.ზეგიდან უკვე მოსალოდნელია სამი დღის განმავლობაში მზიანები ამინდები, ტემპერატურა დასავლეთ საქართველოში 20 გრადუსამდე მოიმატებს დასავლეთში კი 12 გრადუსამდე.
საბოლოო ჯამში ასეთი გამოდარება თებერვალში რამდენჯერმე გვექნება მაგრამ მაინც მომატებული ტემპერატურის ხარჯზე თბილი თვე გვექნება თებერვალი, თუმცა ეს არ ნიშნავს რომ ყოველ დღე იქნება 20 გრადუსი. როგორც დასავლეთში ასევე აღმოსავლეთში თებერვლის თვის განმავლობაში ერთი-ორი გრადუსით აიწევს ტემპერატურა” – განაცხადა კობა ფარტენაძემ.