ხმაური და დაპირისპირება პარლამენტთან – “ხალხის დადუმების მცდელობად” შეფასებული კანონის წინააღმდეგ ქუჩაში გამოსულ ხალხს პოლიცია ტროტუარზე დგომას უზღუდავს.
ჩხუბი საკანონდებლო ორგანოს მიდებარედ მას შემდგე დაიწყო, რაც დემონსტრანეტბმა ჩიტაძის ქუჩაზე პარალამნტის შესასვლელთან გადაინაცვლეს და კანონების მხარდამჭერ დეპუატებს -“მონები” და “რუსები” ეძახეს.
პარლამენტის საგაზაფხულო სესია დღეს გაიხსნა. სწორედ დღეს არის დაგეგმილი გრანტების კანონპროექტის განხილვაც.
შეგახსენებთ, 28 იანვარს ცნობილი გახდა, რომ “ქართულ ოცნებას” ცვლილებები შეაქვს გრანტების შესახებ კანონში. ივანიშვილის გუნდის მიერ მომზადებული კანონპროექტით, გრანტების კანონის დარღვევა 6 წლამდე პატიმრობას გამოიწვევს.
ცვლილებებით ზუსტდება გრანტის ცნება და გრანტად განისაზღვრება როგორც ფულადი, ისე ნატურალური დახმარება, რომელიც შეიძლება გამოყენებულ იქნას საქართველოს ხელისუფლებაზე, სახელმწიფო ინსტიტუტებზე ან საზოგადოებაზე გავლენის მოხდენის, ასევე ქვეყნის საშინაო ან საგარეო პოლიტიკის ჩამოყალიბების, გატარების ან შეცვლის მიზნით, მათ შორის უცხო ქვეყნების ან პოლიტიკური პარტიების ინტერესებიდან გამომდინარე.