„პირველების“ მიერ მოპოვებული ექსკლუზიური ვიდეო ჩოხატაურში საკრებულოს ყოფილი თავმჯდომარისა და მისი თანმხლები პირების მიერ პოლიციელზე თავდასხმას ასახავს.
სათვალთვალო კამერების ჩანაწერების დეტალური შესწავლის შედეგად ირკვევა, რომ „ქართული ოცნებასთან“ რეგიონული ლიდერის თანდასწრებით და მისი უშუალო მონაწილეობით ცნობილი ე.წ. კანონიერი ქურდის შვილმა პოლიციელი ჯგუფურად სცემა.
„პირველების“ მიერ მოპოვებული ფაილების დათვალიერების შემდეგ დგინდება, რომ შსს-ის თანამშრომელი, რომელიც რესტორანში ნათლობის სუფრაზე იმყოფებოდა, დარბაზიდან გარეთ გამოიყვანეს, ჯერ შეურაცხყოფა მიაყენეს ამის შემდეგ კი სცემეს. სათვალებიანი ახალგაზრდა მამაკაცი, რომელიც პოლიციელ გოგა ჯინჭარაძეს სიტყვიერ შეურაცხყოფას აყენებს, “კანონიერი ქურდის” შვილი ლუკა ჩხიკვაძეა მისი მამა ცნობილი ე.წ. კრიმინალური ავტორიტეტი კახა “ჩოხატარუსკია”.
სათვალთვალო კამერის ჩანაწერები, რომლებიც ამ სისხლის სამართლის საქმეში ბრალდებულთა წინააღმდეგ ერთ-ერთ მთავარ მტკიცებულება, მასალაში ჩანს, რომ ჯერ “ქართულ ოცნების” რეგიონული ლიდერი და საკრებულოს თავმჯდომარე “კანონიერი ქურუდის” შვილთან კამათის შემდეგ პოლიციელს თავად ურტყამს შემდეგ კი თავდასხმაზე “ქურდის” შვილი გადადის.
„პირველების“ მიერ მოპოვებული ვიდეომასალა დაახლოებით ოთხ წუთს გრძელდება. კადრების ანალიზის შედეგად დგინდება, რომ დაპირისპირება დაახლოებით სამი წუთის განმავლობაში მიმდინარეობდა – სამი ადამიანი ერთ პოლიციელს სცემდა, მათ შორის მაშინაც კი, როდესაც ის უკვე წაქცეული იყო და წიხლებს აყენებდნენ.