ირანმა ევროკავშირის ქვეყნების შეიარაღებული ძალები ტერორისტულ დაჯგუფებებად გამოაცხადა. ირანის პარლამენტის თავმჯდომარემ, მოჰამედ ბაღერ ღალიბაფმა განაცხადა, რომ ეს არის პასუხი ევროკავშირისთვის, რომელმაც ირანის ისლამური რევოლუციის გუშაგთა კორპუსი წინა კვირას ტერორისტული ორგანიზაციების სიაში შეიყვანა.
„რევოლუციური გვარდიის წინააღმდეგ თავდასხმის მცდელობით ევროპელებმა ფაქტობრივად საკუთარ თავს ესროლეს და კიდევ ერთხელ მიიღეს გადაწყვეტილება საკუთარი ხალხისა ინტერესების საწინააღმდეგოდ, ბრმად დაემორჩილნენ ამერიკელებს. რევოლუციური გვარდიის ტერორისტულ ორგანიზაციად გამოცხადების საწინააღმდეგო ზომების შესახებ კანონის მე-7 მუხლის თანახმად, ევროპული ქვეყნების არმიები ტერორისტულ დაჯგუფებებად ითვლებიან” განაცხადა ირანის პარლამენტის თავმჯდომარემ
მანვე დასძინა, რომ ეროვნული უსაფრთხოების საპარლამენტო კომისია ევროკავშირის ქვეყნების სამხედრო ატაშეების გაძევების საკითხს განიხილავს და ამ საკითხს საგარეო საქმეთა სამინისტროსთან ერთად გააკონტროლებს.
29 იანვარს ევროკავშირის საგარეო საქმეთა მინისტრებმა ირანის რევოლუციური გვარდია ტერორისტულ ორგანიზაციად გამოაცხადეს. ასევე, ევროკავშირმა ირანის წინააღმდეგ ახალი სანქციები დაამტკიცა – ევროკავშირის საგარეო საქმეთა საბჭოზე ახალი სანქციები იმ ირანელი პირებისა და ორგანიზაციების წინააღმდეგ მიიღეს, რომლებიც ირანში საპროტესტო აქციებზე დემონსტრანტების წინააღმდეგ ძალადობაში მონაწილეობდნენ და უკრაინის წინააღმდეგ ომში რუსეთს მხარს უჭერენ. ევროკავშირის სანქციები ირანში ადამიანის უფლებების დარღვევის გამო 21 ფიზიკური პირისა და რუსეთისთვის იარაღის მიწოდების გამო 10 ორგანიზაციის წინააღმდეგ