აშშ-ში ქართველი ემიგრანტი, 32 წლის გაგა ლაბაძე გარდაიცვალა. სამწუხარო ინფორმაციას სოციალურ ქსელში გიორგი ნიკოლაიშვილი ავრცელებს. როგორც ცნობილი ხდება, ახალგაზრდა მამაკაცი შეერთებულ შტატებში რამდენიმე თვის წინ გაემგზავრა.
სოციალურ ქსელში თანხას შეგროვებას ცდილობენ, რომ გარდაცვლილი სამშობლოში ჩამოასვენონ.
„3 მარტს, ამერიკაში გარდაიცვალა 32 წლის გაგა ლაბაძე. გაგა სულ რამდენიმე თვის ჩამოსული იყო ამერიკაში, მუშაობდა სატვირთოზე და გარდაცვლილი იპოვეს მანქანაში.
დარჩა მეუღლე და ორი არასრულწლოვანი შვილი საქართველოში. გადასვენებას უზრუნველყოფს საქართველოს საკონსულო. გთხოვთ, დავეხმაროთ ოჯახს ფინანსურად ვისაც რა შეგვიძლია. Zelle-თი შეგიძლიათ გადარიცხვა ოჯახის ახლობლის (და ჩემთვის სანდო) ადამიანის ნომერზე, რომელიც გადარიცხვის ფოტოს დადებს კომენტარებში. ასევე გთხოვთ გააზიაროთ პოსტი“, – წერს გიორგი ნიკოლაიშვილი.