მექსიკას შესანიშნავი და უაღრესად ინტელექტუალური ლიდერი ჰყავს, – ამის შესახებ აშშ-ის პრეზიდენტი დონალდ ტრამპი სოციალურ ქსელში წერს.
მექსიკის პრეზიდენტთან სატელეფონო საუბრის შემდეგ თეთრი სახლის ლიდერი აცხადებს, რომ ლიდერბმა ქვეყნებს შორის საზღვარზე, ნარკოტრეფიკინგის შეჩერებასა და ვაჭრობაზე ისაუბრეს.
„ძალიან პროდუქტიული სატელეფონო საუბარი მქონდა მექსიკის პრეზიდენტ კლაუდია შეინბაუმთან. ის ორივე ქვეყნისთვის ძალიან კარგად წარიმართა. საუბარი ძირითადად საზღვარზე, ნარკოტრეფიკინგის შეჩერებასა და ვაჭრობაზე იყო ორიენტირებული. მალე კვლავ ვისაუბრებთ და საბოლოოდ, შეხვედრებს ჩვენს ქვეყნებში დავგეგმავთ. მექსიკას შესანიშნავი და უაღრესად ინტელექტუალური ლიდერი ჰყავს – ისინი ამით ძალიან ბედნიერები უნდა იყვნენ!“,- წერს დონალდ ტრამპი.