“ამაში ვინც პრობლემას ვერ ხედავს, ყველა პუტინის ჭუჭყია” – ჟორჟოლიანი

ჟურნალისტი ნანუკა ჟორჟოლიანი სოციალურ ქსელში წერს:

“ოფიციალური მომაცემებით 25 ათასი რუსი შემოვიდა ბოლო დღეებში საქართველოში.
ამაში ვინც პრობლემას ვერ ხედავს, ყველა პუტინის ჭუჭყია.

ხმა ამოიღეთ ყველამ! მერე ძალიან გვიან არ იყოს”, – წერს ჟორჟოლიანი “ფეისბუქი”-ს პირად გვერდზე.

ცნობისთვის, ეკონომიკის მინისტრის, ლევან დავითაშვილის განცხადებით, მთავრობის სხდომაზე განიხილეს რუსეთის მოქალაქეების საქართველოში შემოსვლის საკითხი, მიისვე თქმით, საუბარია, დაახლოებით, 20-25 ათას ადამიანზე. მისი თქმითი, ზუსტ ინფორმაციას შსს გამოაქვეყნებს და მინისტრი პარლამენტშიც მივა.

“დაახლოებით, 20-25 ათას ადამიანზეა საუბარი. ეს არის ის რანგი, რაც იყო 2020 წელს, ვიდრე პანდემიამდე, ვიდრე შეზღუდვები შემოვიდოდა. ეს მონაცემები შესადარებელი არ არის 2021 წელთან, რადგან დაკეტილი იყო ყველანაირი მიმოსვლა. საუბარი, რომ დიდი რაოდენობის ადამიანები ჩამოდიან და ეს რისკის შემცველია, ეს ასე არ არის”, – განაცხადა ლევან დავითაშვილმა.