აშშ-ს სანაპირო დაცვამ გემი Marinera-ს ქართველი კაპიტანი ავთანდილ კალანდაძე დიდი ბრიტანეთის ტერიტორიიდან გაიყვანა – ინფორმაციას Reuters ავრცელებს. ამის შესახებ ცნობილი შოტლანდიაში გამართული სასამართლო სხდომიდან გახდა, სადაც კალანდაძის საქმეს განიხილავდნენ.
აშშ-ს იუსტიციის სამინისტრო ამბობს, რომ კალანდაძე ამერიკის სანაპირო დაცვის ხომალდ Munro-ზე იმყოფება, თუმცა უცნობია საით მიემართება გემი. კაპიტნის ცოლი, ნათია ძაძამიამ სასამართლოზე თქვა, რომ მისი მეუღლე შოტლანდიისა და დიდი ბრიტანეთის იურისდიქციის ქვეშ უნდა ყოფილიყო დაცული და ის ამერიკაში არ უნდა წაეყვანათ.
Marinera აშშ-ის საზღვაო ძალებმა იანვარში, ვენესუელიდან სანქცირებული ნავთობის გადაზიდვის გამო დააკავეს დააკავეს. გავრცელებული ცნობებით, გემზე კაპიტნის გარდა საქართველოს კიდევ 5 მოქალაქე იმყოფებოდა. მათ გარდა ეკიპაჟის წევრები იყვნენ რუსეთის, უკრაინისა და ინდოეთის მოქალაქეებიც.

კატეგორიები

ბოლო ამბები

No Result