საქართველოში ზეთის იმპორტი გაძვირდა – იმპორტირებული ზეთის 83% რუსეთიდან შემოდის

საქართველოში იმპორტირებული ზეთის ღირებულება 25%-ით გაძვირდა – ინფორმაციას BPN საქსტატზე დაყრდნობით ავრცელებს. კერძოდ, 2025 წელს იმპორტირებულია 45 345 ტონა მზესუმზირის ზეთი, რომლის ღირებულებაც 68.519 მილიონი დოლარი იყო. 2024 წელს საქართველომ 47 838 ტონა ზეთი შემოიტანა, რომლის ღირებულებაც 54.637 მილიონი დოლარი იყო.
ამ მონაცემების მიხედვით, 2025 წელს საქართველოში ზეთის იმპორტი 36%-ით გაძვირდა. გასულ წელს თუ 1 ლიტრი ზეთის საშუალო საიმპორტო ფასი გადასახადების გარეშე 1.5 დოლარი იყო, 2024 წელს ფასი 1.1 დოლარს შეადგენდა. ამავე მონაცემების მიხედვით, საქართველოში იმპორტირებული ზეთის 83% რუსული იყო. კერძოდ, რუსეთიდან 2025 წელს 56.874 მილიონი დოლარის ღირებულების 37 498 ტონა ზეთი შემოვიდა.