ირანში საპროტესტო აქციების ჩახშობის დროს, სულ მცირე, 6 159 ადამიანი დაიღუპა, – ინფორმაციას სააგენტო HRANA ავრცელებს.
მათივე ცნობით, დაღუპულთაგან 5 804 აქციის მონაწილე, 214 უსაფრთხოების ოფიცერი, 92 ბავშვი და 49 ისეთი პირია, რომლებსაც საპროტესტო აქციებში მონაწილეობა არ მიუღიათ. ამასთან, დაკავებულია 42 200 ადამიანი.
ოფიციალური თეირანის მონაცემებით, დაღუპულთა რაოდენობა 3 117-ს შეადგენს.
აღსანიშნავია, რომ ამერიკული ავიამზიდი „აბრაამ ლინკოლნი“ უკვე რეგიონში იმყოფება. აშშ-ის საჰაერო ძალებმა კი, ახლო აღმოსავლეთში წვრთნების ჩატარების შესახებ განაცხადა, რომელიც რამდენიმე დღე გაგრძელდება, თუმცა თარიღი და ადგილმდებარეობა არ საჯაროვდება.