დღეს ნინოობაა – რა ლოცვა უნდა წარმოთქვათ წმინდა ნინოს ხსენების დღეს?

საქართველოს მართლმადიდებელი ეკლესია დღეს ნინოობას აღნიშნავს.წმინდა ნინოს ხსენება აღინიშნება წელიწადში ორჯერ:

14 იანვარს (ახალი სტილით 27 იანვარს) — გარდაცვალება;
19 მაისს (ახალი სტილით 1 ივნისს) — საქართველოში შემოსვლა.

წმინდა ნინოს ქართველთა განმანათლებლად და საქართველოს ციურ მფარველად მიიჩნევენ.

წმინდა ნინოს ხატთან უნდა წარმოთქვათ ეს ლოცვები:

ტროპარი

სიტყვისა ღმრთისა მსახურთა თანამოსაგრეო და ანდრიას ქადაგებისა წარმართებაო, ქართველთა განმანათლებელო და სულისა წმიდისა ქნარო ნინო, ევედრე ქრისტესა ღმერთსა შეწყალებად სულთა ჩვენთათვის. ამინ.

კონდაკი

მოციქული ქრისტეისგან გამორჩეული, ქადაგი სიტყვისა ღმრთისა განსწავლული, მახარებელი ცხოვრებისა, წინამძღვარი ქართველთა ერისა გზათა მშვიდობისათა, დედისა ღმრთისა საკუთარი მოწაფე ნინო შევამკოთ დღეს ყოველთა გრძნობითა საღმრთოითა, მეოხი მხურვალე, მცველი დაუძინებელი.