როგორი იქნება 2026 წელი და ზოდიაქოს რომელი ნიშნებისთვის იქნება გამორჩეული ცხენის წელიწადი – ამ და სხვა მნიშვნელოვან საკითხებზე „მეტრონომი“ ასტროლოგ ქეთი ვაწაძეს ესაუბრა.
როგორც მან ჩვენთან საუბრისას აღნიშნა, ცხენის წელი არაერთ სიახლესა და ცვლილებას გვპირდება.
„საკმაოდ დინამიკური, გარდამტეხი წელია, რადგან მაღალი პლანეტები ე.წ. კოსმიური ძალის პლანეტები იცვლიან თავის მდებარეობას. ალიან იშვიათად ხდება მსგავსი რამ. სატურნი, რომელიც არის კოსმიური სამართლიანობის, კარმის პლანეტა იცვლის ნიშანს და ამავდროულად ნეპტუნიც, რომელიც არის კოსმიური სიყვარულის პლანეტა, იცვლის ნიშანს – თევზების ნიშნიდან გადადის ვერძის ნიშანში. ეს მონაცვლეობა სამყაროში ახალ ვიბრაციებს გამოიწვევს. ძალიან მნიშვნელოვანი წელია, ბევრი რამ შეიცვლება, ბევრი სფერო შეიძლება განახლდეს და ადამიანების ვიბრაციაც სხვა ენერგიაზე გადადის. ცხენის წელი ეს არის ძალიან დინამიკური, ძალიან აქტიური ენერგიებით სავსე წელი, ვინც გამოიყენებს შანსებს ძალიან ბევრი მიღწევის შესაძლებლობას იძლევა.
უპირველეს ყოვლისა, ვერძის ნიშნის წარმომადგენლებისთვის იქნება მნიშვნელოვანი წელიწადი. ასევე სასწორისთვის, თხის რქისთვის და კირჩხიბისთვის. ამ ოთხ ნიშანთან ვხედავთ კარდინალურ ცვლილებებს. ეს ზოგადი ინფორმაციაა, პერსონალურად ვისთან რა ხდება ეგ უკვე პირად რუკაში ჩანს. ეს არის თითქოს ახალი ეპოქის დასაწყისი, სადაც ძალიან ბევრი რამ ისე აღარ იქნება როგორც აქამდე იყო. მე არ მჯერა გაწერილი ბედისწერების, ადამიანს აქვს უნარი ეს ენერგიები თავის სასიკეთოდ გამოიყენოს ან პირიქით. როგორც ასეთი არ არსებობს ენერგია, რომლის გამოყენებაც არ შეიძლება. თუ ვთქვათ, უსიამოვნო პროგნოზებს კითხულობენ ყოველთვის გახსოვდეთ, რომ ეს არის შანსი ენერგიის გამოყენების. ნეგატიური პროგნოზი არც გაივლოთ თავში.
ზაფხულიდან ძალიან კარგი პერიოდი ექნებათ ცეცხლის ნიშნებს. მათ უფრო მეტი იღბალი ელით წლის მეორე ნახევრიდან. მანამ უფრო წყალი და მიწა არის აქტუალური“ – აღნიშნა მან.