24 იანვრიდან რუსეთის ფედერაციაში შესვლაზე ჩინეთის მოქალაქეებისთვის ახალი წესები მოქმედებს.
კერძოდ, ძალაში შევიდა რუსეთის ფედერაციის მთავრობის №872 ბრძანება – „ჩინეთის სახალხო რესპუბლიკის მოქალაქეების რუსეთის ფედერაციაში შესვლისა და რუსეთის ფედერაციიდან გასვლის დროებითი წესის შესახებ“.
როგორც ЦДИ იუწყება, დოკუმენტი მნიშვნელოვნად ამარტივებს ფედერაციაში ყოფნის პირობებს ჩინეთის მოქალაქეებისთვის, რომლებიც რუსეთში მოგზაურობენ.
ბრძანების თანახმად, 2026 წლის 14 სექტემბრის ჩათვლით, ჩინეთის მოქალაქეებს შეეძლებათ რუსეთში შესვლა და მის ტერიტორიაზე ყოფნა ვიზის გარეშე მაქსიმუმ 30 დღის ვადით. ეს ეხება როგორც საქმიან ვიზიტებს, ტურიზმს, სამეცნიერო, კულტურულ, საზოგადოებრივ-პოლიტიკურ, ეკონომიკურ და სპორტულ ღონისძიებებში მონაწილეობას, ასევე ტრანზიტულ გადაადგილებას. ამისთვის საკმარისი იქნება ჩინეთის მოქალაქის ჩვეულებრივი პასპორტის წარდგენა. განაგრძეთ კითხვა…