ჯგუფურ ძალადობაში ბრალდებულ პოლიციელს, მიხეილ გიგაურს, აღკვეთის ღონისძიების სახით 4 000-ლარიანი გირაო შეეფარდა. ქუთაისის პოლიციის მე-6 განყოფილების უფროსს გამოძიება დაცვის პოლიციის თანამშრომლების მიმართ განხორციელებულ ძალადობას ედავება.
ადგილობრივი გამოცემა ინფო იმერეთის ცნობით, სასამართლო პროცესზე პატიმრობა არც პროკურატურას მოუთხოვია – პროკურორებმა მოსამართლეს გირაოს გამოყენების შუამდგომლობით მიმართეს.
მერაბ გიგაურთან ერთად, მსგავსი სახის გირაო შეეფარდათ თავდაცვის სამინისტროს თანამშრომლებსა და კიდევ ორ პირს.
ტყიბულის მუნიციპალიტეტის სოფელ მოწამეთაში, შინაგან საქმეთა სამინისტროს თანამშრომლებს შორის ფიზიკური დაპირისპირება რუსული სიმღერის გამო დაიწყო.როგორც ირკვევა, დაცვის პოლიციის თანამშრომლებს რესტორანში მიხეილ შუფუტინსკის სიმღერის ჩართვა სურდათ. კრიმინალური პოლიციის წარმომადგენლებმა სხვა მაგიდასთან მსხდომ კოლეგებს შენიშვნა მისცეს, რასაც დაპირისპირება მოჰყვა. რესტორან “იბერიაში“ აცხადებენ, რომ ძალოვანი უწყებების
წარმომადგენლებს შორის დაწყებული კამათი ეზოში ფიზიკურ ჩხუბში გადაიზარდა.