ჯანდაცვის სამინისტროს ცნობით, შეისწავლეს ფსიქოტროპული მედიკამენტების გაცემის პრაქტიკა და აღმოაჩინეს არაერთი ხარვეზი.
მათი თქმით, ფსიქოტროპული მედიკამენტები გაიცემოდა შესაბამისი დიაგნოზის დასმისა და პაციენტთან კონსულტაციის გარეშე. ცალკეულ შემთხვევებში კი ფსიქოტროპულ მედიკამენტებს გასცემდა ექიმი, რომელსაც შესაბამისი ნებართვა არ ჰქონდა. სამინისტროს განცხადებით, ზოგჯერ მედიკამენტები გაიცემოდა დღიურ დოზასთან შედარებით ორჯერ და სამჯერ დიდი დოზით.
ჯანდაცვის სამინისტროს ცნობით, შესწავლისას გამოვლენილი ფაქტები სცილდება სამართლებრივ ნორმებს, რასაც შესაბამისი რეაგირება მოჰყვება. მათი თქმით, იგეგმება ცვლილებები შესაბამის ნორმატიულ აქტებში, რათა მედიკამენტების არაკეთილსინდისიერად გაცემის რისკები.
მინიმუმამდე შემცირდეს და მაქსიმალურად დაიცვან პაციენტების უსაფრთხოება.