კარაკასმა აშშ-ს მიერ ვენესუელური ნედლი ნავთობის გაყიდვიდან პირველი შემოსავალი, $300 მილიონი მიიღო.
აშშ-მ გასულ კვირას განაცხადა, რომ $500 მილიონის ღირებულების ვენესუელური ნედლი ნავთობი გაყიდა.
“უნდა გაცნობოთ, რომ ნავთობის გაყიდვიდან თანხები მივიღეთ და პირველი $500 მილიონიდან $300 მილიონი უკვე მიღებული გვაქვს” – თქვა ვენესუელას დროებითმა პროზიდენტმა, დელსი როდრიგესმა 20 იანვარს კარაკასში გამართულ ღონისძიებაზე.
როდრიგესმა აღნიშნა, რომ გაყიდვიდან მიღებულ პირველ $300 მილიონს ქვეყნის მძიმე მდგომარეობაში მყოფი ვალუტის, ბოლივარის მხარდასაჭერად გამოიყენებს.
მისი თქმით, ეს თანხები გამოყენებული იქნება სავალუტო ბაზრის “სტაბილიზაციისთვის”, “ჩვენი მუშაკების შემოსავლებისა და მსყიდველობითუნარიანობის დასაცავად”.