“ნავთობიდან და გაზიდან რუსეთის ბიუჯეტში შემოსავლები იანვარში 46%-ით დაეცემა” – აღნიშნულის შესახებ გამოცემა Reuters-ის გამოთვლებმა აჩვენა.
Reuters-ის მონაცემებით, მიმდინარე წლის პირველ თვეში შემოსავლები დაახლოებით 420 მილიარდ რუბლამდე ($5.41 მილიარდი) შემცირდება, რაც 2020 წლის აგვისტოს შემდეგ ყველაზე დაბალი მაჩვენებელია.
ნავთობიდან და ბუნებრივი აირიდან მიღებული შემოსავლების წილი რუსეთის ფედერალურ ბიუჯეტში შემოსავლების დაახლოებით მეოთხედზე მოდის, რაც უკრაინაში კრემლის სამხედრო კამპანიის დაფინანსების მნიშვნელოვან ნაწილს წარმოადგენს.