“არავის შეწყალება არ მჭირდება, ვის გაუგია ქოცი და ჰუმანურობა” – საბა სხვიტარიძე

სინდისის პატიმარი საბა სხვიტარიძე “ოცნებას” რუსთავის ციხიდან უთვლის, რომ მათი შეწყალება არაფერში სჭირდება. საპატიმროდან გამოგზავნილ წერილში.

სხვიტარიძე ამბობს, რომ როგორც ბრძოლა იქნება ბოლომდე, ისე სასჯელს მოიხდის ბოლომდე.

“ვის გაუგია ქოცი და ჰუმანურობა — ეს იგივეა, პუტინი და მშვიდობა” – წერს წერილში სინდისის პატიმარი.

“მე არავისთვის მითხოვია შეწყალება და არც ველოდი, რომ ყაველაშვილი შემიწყალებდა, არც მჭირდება არავის შეწყალება.
ვის გაუგია ქოცი და ჰუმანურობა — ეს იგივეა, პუტინი და მშვიდობა.
როგორც ბრძოლა იქნება ბოლომდე, ისე სასჯელს მოვიხდი ბოლომდე!
ჩვენ უნდა გვესმოდეს, რომ რუსულ ოცნებას არ სურს სიტუაციის ნორმალიზება, როგორც ევროკავშირთან, ისე ამერიკის შეერთებულ შტატებთან ურთიერთობის დალაგება არ სურს. არ უნდა ვიყოთ მიამიტები და ამ მიამიტობით არ უნდა მივცეთ ქოცებს ჩვენზე მანიპულაციის საშუალება.
ქოცების მიზანია ეს ქვეყანა დატოვონ მეგობრების გარეშე, მარტო, დაუცველი. სურთ, რომ რუსების ხელში ჩაგვაგდონ.
უნდა გვესმოდეს, რომ ქოცების მიზანია ვიყოთ იმ ვითარებაში, რომელ ვითარებაშიც არის დღეს ჩვენი ქვეყანა, და ილუზიას ნუ ვიქმნით, თითქოს სიტუაციის ნორმალიზება სურთ”, – წერს საბა სხვიტარიძე.

შეწყალების აქტს სინდისის პატიმრების ოჯახის წევრები და მსჯავრდებულები გუშინ დილიდან ციხეებთან თოვასა და სიცივეში ელოდებოდნენ, თუმცა “ოცნების” პრეზიდენტმა აქტი 19 იანვარს, დაახლოებით 22:30 წუთზე გამოსცა.