უკრაინის ერთ-ერთი სტრატეგიული მიზანი თვეში 50 000 ოკუპანტის განადგურებაა – ამის შესახებ უკრაინის თავდაცვის მინისტრმა, მიხაილ ფედოროვმა, მედიასთან შეხვედრის დროს განაცხადა.
ფედოროვის თქმით, გასულ თვეში თავდაცვის ძალებმა 35 000 ოკუპანტი გაანადგურეს და ყველა ამ დანაკარგს ვიდეო დადასტურება არსებობს.
“სტრატეგიული მიზანია თვეში 50 ათასი რუსი ოკუპანტის განადგურება. თუ ამ მაჩვენებელს მივაღწევთ, ვნახავთ, რა მოუვა მტერს“ – აღნიშნა მინისტრმა.
მისი სიტყვებით, უკრაინას კარგად ესმის რომელი დივიზიები და იარაღის ტიპებია ყველაზე ეფექტური და რამდენი ცოცხალი ძალა და ტექნიკა ნადგურდება ყოველდღიურად.
“ჩვენ ომის შესახებ ვიცით ბრძოლის ველიდან და არა ოფისებიდან. მაგრამ ომი არ არის მხოლოდ საბრძოლო ოპერაციები, ეს არის ასევე მენეჯმენტი, ლოჯისტიკა, მომარაგება, კოგნიტური ომი… დიპლომატია საკუთარ გზას ადგას, მაგრამ ამავდროულად ჩვენც ჩვენი უნდა გავაკეთოთ“ – აღნიშნა ფედოროვმა.