რუსეთის ხელისუფლება აზოვის ზღვაში საერთაშორისო კრუიზების აღდგენას განიხილავს, კერძოდ, მარიუპოლი-ბათუმის მარშრუტის – ინფორმაციას კრემლის პროპაგანდისტული „რია ნოვოსტი“ რუსეთის მთავრობის დოკუმენტაციაზე დაყრდნობით ავრცელებს. სამთავრობო დოკუმენტების თანახმად მარიუპოლში სამგზავრო ნავმისადგომის აღდგენის ან აშენების შემთხვევაში, მარშრუტი შესაძლოა ხელახლა ამოქმედდეს.
“შესაძლოა, აზოვის ზღვაში უცხო ქვეყნების მიმართულებით კრუიზები აღდგეს. წარსულში საკრუიზო მარშრუტი მარიუპოლსა და ბათუმს შორის არსებობდა. იმ პირობით, რომ სამგზავრო ნავმისადგომი აღდგება ან აშენდება, ეს მარშრუტიც შესაძლოა აღდგეს“ – ნათქვამია დოკუმენტებში.
დადგენილებაში აღნიშნულია, რომ ასეთი კრუიზებისთვის შეიძლება გამოყენებულ იქნას გემი „მუსტაი კარიმი“. აზოვის ზღვის სანაპიროზე მდებარე მარიუპოლი 2022 წლის მაისიდან რუსეთის მიერაა ოკუპირებული.
რუსეთი აზოვის ზღვაში საერთაშორისო კრუიზების აღდგენას განიხილავს კერძოდ მარიუპოლი-ბათუმის მარშრუტს
