იტალიის ფინანსთა სამინისტრომ ბრინდიზის პორტში ნოვოროსიისკიდან ჩასული გემი დააკავა, რომელიც 33 000 ტონა შავი ლითონით იყო დატვირთული

იტალიის ფინანსთა სამინისტრომ ბრინდიზის პორტში ნოვოროსიისკიდან ჩასული გემი დააკავა, რომელიც 33 000 ტონა შავი ლითონით იყო დატვირთული. დაკავების საფუძველი ევროკავშირის სანქციები გახდა.
„გემი, რომელიც შავი ზღვის რუსეთის ტერიტორიული წყლებიდან 33 000 ტონა შავი ლითონის ტვირთით შემოვიდა, სასწრაფო პრევენციული დაკავების ქვეშ მოექცა.გემის შემოწმებისას დოკუმენტაციაში გამოვლინდა სერიოზული შეუსაბამობები, გაყალბებები და ჩატვირთვის ოპერაციებთან დაკავშირებული ხარვეზები“ – ნათქვამია იტალიის ფინანსური უწყების განცხადებაში.
ამავე ინფორმაციით, დოკუმენტებისა და ელექტრონული ნავიგაციის სისტემის მონაცემების ანალიზმა აჩვენა, რომ გემი 13-დან 16 ნოემბრამდე იმყოფებოდა ნოვოროსიისკის პორტში და „ახორციელებდა აკრძალული ტვირთის ჩატვირთვის ოპერაციებს“.
ასევე დადგინდა, რომ გემის ავტომატური იდენტიფიკაციის სისტემა ნოვოროსიისკის პორტთან მიახლოებისას გამორთული იყო, სავარაუდოდ, გეოლოკაციის მონიტორინგისთვის თავის არიდების მიზნით.