16 იანვარი ფილოლოგის და პროფესორის, უდიდესი ქართველი ენათმეცნიერის მზექალა შანიძის დაბადების დღეა. დღეს მას 100 წელი შეუსრულდა. ინფორმაციას თბილისის სახელმწიფო უნივერსიტეტი ავრცელებს და აკადემიკოსს იუბილეს ულოცავს.
„დღეს ქართული მეცნიერების ერთ-ერთი უმნიშვნელოვანესი წარმომადგენლის, აკადემიკოს მზექალა შანიძის დაბადების დღეა! ვულოცავთ ქალბატონ მზექალას იუბილეს.
ვუსურვებთ ჯანმრთელობას, მხნეობას და დღეგრძელობას! კიდევ დიდხანს ყოფილიყოს ქალბატონო მზექალა როგორც მეცნიერების, ასევე, ზოგადად საზოგადოების გზის გამკვალავი!“- წერია თბილისის სახელმწიფო უნივერსიტეტის მისალოც წერილში.