დაკავებულ ნეონაცისტურ ჯგუფის წევრებს შორის ერთ-ერთი დაცვის თანამშრომელია – როგორც ადვოკატი ამბობს, მისი დაცვის ქვეშ მყოფი ერთ-ერთ ორგანიზაციაში დაცვის წევრად მუშაობს და სწორედ სამსახურში მიდიოდა, როდესაც პოლიციამ გააჩერა, სახლის ჩხრეკაზე გადაიყვანა და შემდეგ ხელბორკილები დაადო.
ირკვევა, რომ შსს ნეონაცისტური დაჯგუფების წევრების საქმიანობას 4-5 თვეა იკვლევს.
უფლებადამცველის თქმით, გამოძიების ფარგლებში მისი დაცვის ქვეშ მყოფი საგამოძიებო მოქმედეებშიც იღებდა მონაწილეობას.
ადვოკატის თქმით, დაკავებული ნეონაცისტურ დაჯგუფებასთან კავშირს უარყოფს.
“დაკავებული უცდის ბრალის წარდგენას. ბრალის წარდგენის შემდეგ ჩამოყალიბდება თავის პოზიციაში. რასაც მე ბრალდებული მომიყვა, ვფიქრობ, ძალიან გაჭირდება მისი რაიმე ნეოფაშისტურ ორაგიზაციასთან წევრობის დადასტურება. დაკავებულებიდან ერთი არის მისი მეგობარი, დანარჩენი პირების სახელები და გვარები დავუსახელე, ვაჩვენე სურათები, მაგრამ გარდა თავისი მეგობრისა, ვერავის იდენტიფიცირება ვერ შეძლო. აბსოლუტურად არაფერი არ არის ამოღებული კანონსაწინააღმდეგო. ამოღებულია დანა, რომელიც ყველას სახლსი მოიძებნება. ასევე სანთებელა, არაფერი ფაშისტური სიმბოლიკა ამოღებული არ ყოფილა. დაახლოებით 4-5 თვეა გამოძიებასთან თანამშრომლობს, აქტიური მონაწილეობა აქვს მიღებული სხვადასხვა საგამოძიებო მოქმედებებზე. სამსახურში მიდიოდა, ერთ-ერთ ორგანიზაციაში დაცვის წევრად მუშაობს. მიდიოდა, ქუჩაში შეაჩერეს, მოხდა მისი პირადი ჩხრეკა, მიიწვიეს მერე სახლში ბინის ჩხრეკაზე და მის შემდეგ მოხდა დაკავება”, – ამბობს ადვოკატი.
ნეონაცისტური დაჯგუფების წევრები ბრალის წარდგენას ელოდებიან. 16 დაკავებული, რომეთაგან 10 არასრულწლოვას ხელბორკილები რამდენიმე საათის წინ დაადეს, უკვე იზოლატორში არიან შესახლებული.
გამოძიებით დადგინდა, რომ დაკავებულები განსაკუთრებული სისასტიკით ძალადობდნენ სხვადასხვა ასაკის პირებზე, მათ ვიდეოებს უღებდნენ და სხვადასხვა ინტერნეტ-პლატფორმაზე აქვეყნებდნენ.
ჯამში დაზარალებულია 10-ზე მეტი პირი, მათ შორის 4 არასრულწლოვანი.