“ვიღაც დასჭირდებათ, ვისზეც ხელებს შეიწმენდენ და შესაძლოა, ეს გომელაური იყოს”- შაიშმელაშვილი

გდდ-ის ყოფილი მაღალჩინოსანი, ირაკლი შაიშმელაშვილი არ გამორიცხავს, რომ BBC-ის ფილმთან დაკავშირებით კობახიძემ გომელაური გაწიროს.

მისი თქმით, “ ქიმიური მოწამვლის საკითხი გახდება ფუნდამენტური საფუძველი “ქართული ოცნების“, როგორც რეჟიმის ჩამოშლის.”

როგორც შაიშმელაშვილმა გადაცემა “რეაქციაში“ განაცხადა, კობახიძე ყველას მხოლოდ თანამდებობიდან კი არ უშვებს, ციხეში უშვებს და მთლიანად იზოლირებულს ხდის.

“ოცნების“ მხრიდან საჩივრის გააქტიურება, არაა BBC-ის წინააღმდეგ, მათ წინააღმდეგ რომ უნდოდეთ დავის დაწყება, პირდაპირ სასამართლოში დაიწყებდნენ სამართლებრივ დავას და არა ვაჭრობას. ერთს გეტყვით, სავარაუდოდ, 31  იანვარს, ზუსტი თარიღი არ ვიცი, იტალიაში, ადგილობრივი სათვისტომო აორგანიზებს ძალიან დიდი შეკრებას, სადაც ამ ფილმის ჩვენებაც იქნება და ეს მნიშვნელოვანია, რომ საერთაშორისო საზოგადოებამ ნახოს „ოცნების“ რეალური სახე. ეს ინფორმაციები ხომ აქვთ მათ და ეს აწუხებთ. მინდა გითხრათ, რომ ეს ქიმიური მოწამვლის საკითხი გახდება ფუნდამენტური საფუძველი “ქართული ოცნების“, როგორც რეჟიმის ჩამოშლის. ეს უბრალოდ დროის საკითხია. მგონია, რომ ვიღაც დასჭირდებათ, მაღალი თანამდებობის პირი, ვისზეც შეიძლება ხელები შეიწმინდონ, ეს შეიძლება იყოს გომელაური, – განაცხადა შაიშმელაშვილმა.