რუსეთის პრეზიდენტის ვლადიმერ პუტინის დონბასში სპეციალური სამხედრო ოპერაციის განხორციელების შესახებ გადაწყვეტილება მიიღო,.
„გარემოებები მოითხოვს ჩვენგან გადამწყვეტი და დაუყოვნებელი ზომების მიღებას. დონბასის სახალხო რესპუბლიკებმა დახმარების თხოვნით მიმართეს რუსეთს. ამასთან დაკავშირებით, გაეროს წესდების 51-ე მუხლის მე-7 ნაწილის შესაბამისად, ფედერაციის საბჭოს სანქციით და ფედერალური ასამბლეის მიერ რატიფიცირებული, დონეცკისა და ლუგანსკის სახალხო რესპუბლიკებთან მეგობრობის და ურთიერთდახმარების ხელშეკრულებების შესაბამისად, მე გადავწყვიტე ჩავატარო სპეციალური სამხედრო ოპერაცია“, – განაცხადა პუტინმა სატელევიზიო მიმართვაში.
მისი მტკიცებით, რუსეთი არ გეგმავს უკრაინის ტერიტორიების ოკუპაციას, მაგრამ მხარს უჭერს უკრაინის ხალხების „თვითგამორკვევის უფლებას.“
ასევე მან ხაზი გაუვა, რომ ნატო ყოველწლიურად „უცერემონიოდ ქმნის ფუნდამენტურ საფრთხეებს, ფართოვდება აღმოსავლეთით და სამხედრო ინფრასტრუქტურას რუსეთის საზღვრებთან აახლოებს.“
„საყოველთაოდ ცნობილია, რომ 30 წლის განმავლობაში დაჟინებით და მოთმინებით ვცდილობდით ევროპაში თანაბარი და განუყოფელი უსაფრთხოების პრინციპებთან დაკავშირებით ნატოს წამყვან ქვეყნებთან შეთანხმებისთვის მიგვეღწია. ჩვენი წინადადებების საპასუხოდ მუდმივად ვაწყდებოდით ცინიკურ ტყუილსა და სიცრუეს, ან ზეწოლისა და შანტაჟის მცდელობას“, – განაცხადა პუტინმა.
უკრაინაში აფეთქებების ხმა კვლავ ისმის. ადგილობრივი მედიის ინფორმაციით, ძლიერი აფეთქება მოხდა ოდესის მექანიზირებული ბრიგადის ყაზარმაში. ორი ძლიერი აფეთქება დაფიქსირდა კიევში, ხმა ისმის, ასევე, კრამატორსკში, ნიკოლაევში, ბერდიანსკში.
სარაკეტო დარტყმები ხორციელდება სამხედრო ობიექტებზე მთელი უკრაინის მასშტაბით.
ასევე, ვრცელდება ინფორმაცია ძლიერი ხანძრების შესახებ ნიკოლაევში, ხარკოვში სარაკეტო-საარტილერიო შეიარაღების საწყობი გაანადგურეს.