Wizz Air-მა ქუთაისის აეროპორტიდან ვენის მიმართულებით ფრენები გააუქმა – როგორც ცნობილია, უკვე რამდენიმე დღეა, მომხმარებლები უნგრული დაბალბიუჯეტიანი ავიაკომპანიის ვებგვერდზე აღნიშნული მარშრუტის ბილეთებს ვეღარ ყიდულობენ.
როგორც კომპანიაში განმარტეს, ეს ოპერაციული ხარჯების ზრდასა და უფრო მომგებიან ბაზრებზე სტრატეგიულ გადასვლას უკავშირდებოდა.
კომპანიის ელექტრონული სისტემა ვიზიტორებს ალტერნატიულ მიმართულებად ბრატისლავას სთავაზობს.
ქუთაისიდან ფრენები ახლა ვენის ნაცვლად სწორედ ბრატისლავაში ხორციელდება.
შეგახსენებთ, რომ Wizz Air-მა ვენაში მდებარე ბაზის დახურავა გასული წლის სექტემბერში დააანონსა. როგორც ავიაკომპანიაში აცხადებდნენ, ბაზის დახურვა ორ ეტაპად, 2026 წლის 15 მარტამდე უნდა განხორციელებულიყო.