26 წლის ერფან სოლტანი ირანში დაკავებული დემონსტრანტებიდან ერთ-ერთი პირველია, რომელსაც სიკვდილით დასჯიან – აღნიშნულის შესახებ ინფორმაცია ირანულ მედიაში ვრცელდება.
ოჯახის ინფორმაციით, ის შაბათს, 10 იანვარს, კარაჯის ფარდისში, საკუთარ სახლში დააკავეს.
ადამიანის უფლებათა დაცვის ორგანიზაციის Hengaw-ს ცნობით, მისმა ოჯახმა დაპატიმრებიდან მხოლოდ რამდენიმე დღეში შეიტყო, რომ სიკვდილით დასჯა ოთხშაბათს არის დაგეგმილი.
ოჯახს ეცნობა, რომ განაჩენის აღსრულებამდე მათ მხოლოდ მოკლე, 10-წუთიანი საბოლოო ვიზიტის უფლება ექნებათ.
ირანში მომუშავე ადამიანის უფლებათა დამცველი ჯგუფები და აქტივისტები იუწყებიან, რომ სოლტანის არ მიეცა ადვოკატთან, სამართლიან სასამართლო პროცესზე ან გასაჩივრების ნებისმიერ შესაძლებლობაზე წვდომის შესაძლებლობა, რაც, როგორც ჩანს, წარმოადგენს ირანის ხელისუფლების დაანონსებულ სწრაფი სიკვდილით დასჯის პირველ ტალღას, რომელიც მიმართულია ანტისამთავრობო პროტესტის ჩახშობისკენ.