ოკუპირებული ცხინვალის ე.წ. ხელისუფლება რუსეთთან ერთად რკინიგზის პროექტს ამუშავებს – აღნიშნულის შესახებ ინფორმაციას რუსული მედია Tacc ავრცელებს.
გამოცემის ცნობით, პროექტის თანახმად რკინიგზა რუსეთიდან ცხინვალის გავლით ამიერკავკასიამდე და ახლო აღმოსავლეთამდე მოეწყობა. დეტალებზე ოკუპირებული ცხინვალის ე.წ. პრეზიდენტმა ალან გაგლოევმა ჟურნალისტებთან ისაუბრა.
“რუსეთის ფედერაციიდან ამიერკავკასიამდე და ახლო აღმოსავლეთამდე ყველაზე მოკლე და უსაფრთხო გზა სამხრეთ ოსეთის გავლით გადის. ყველას ესმის, რომ რკინიგზა გაცილებით სტრატეგიულად მნიშვნელოვანია, ვიდრე ტრანსკავკასიური გზატკეცილი […]სამხრეთ ოსეთის რესპუბლიკა მზადაა მხარი დაუჭიროს ტრანსკავკასიურ გზატკეცილს და ისეთ მასშტაბურ პროექტს, როგორიც რკინიგზაა. უფრო მეტიც, ჩვენ ამ მასშტაბურ პროექტზე VEB.RF-თან ერთად ვმუშაობთ. მათი შესაძლებლობებიდან და საერთო გეოპოლიტიკური სტრუქტურიდან გამომდინარე, მიმაჩნია, რომ საკითხი რთულია, მაგრამ სხვა ვარიანტი არ არსებობს“ – თქვა გაგლოევმა.