მე – 10 დღეა ირანში მასობრივი საპროტესტო აქციები იმართება

ირანში მასობრივი საპროტესტო აქციების მე-10 დღეა. X-ზე ვრცელდება ვიდეოკადრები და ინფორმაცია, რომლის თანახმადაც თეირანის ცენტრალური ბაზრის მოვაჭრეებმა მაღაზიები დახურეს. “თავისუფლება” – სკანდირებენ ისინი გავრცელებულ ვიდეოკადრებში
ირანში პროტესტი ეროვნული ვალუტის გაუფასურების, მაღალი ინფლაციისა და პროდუქტზე ფასების მკვეთრი ზრდის გამო დაიწყო
აშშ-ში დაფუძნებული ირანის ადამიანის უფლებათა დამცველი ორგანიზაციის (HRAI) ცნობით, დემონსტრაციებმა სულ მცირე 78 ქალაქი და 222 ლოკაცია მოიცვა, დემონსტრანტები კი რეჟიმის დამხობას მოითხოვენ. ამავე ორგანიზაციის მონაცემებით, ამ დროისთვის რეჟიმის უსაფრთხოების ძალებმა 990 ადამიანი დააკავეს და სულ მცირე 20 მოკლეს, მათ შორის, 3 მოზარდია – ერთი 15 წლის, ორი კი – 17. HRAI-ის დირექტორის მოადგილემ, სკაილარ ტომპსონმა, Guardian-ს განუცხადა, რომ ჯგუფს დოკუმენტირებული აქვს მკვლელობები, ასევე მინიმუმ 44 ბავშვის დაპატიმრება