ხანძარმა ისნის მეორადი ავტონაწილების ბაზრობაზე რამდენიმე მაღაზია სრულად გაანადგურა. ცეცხლმა 2 საათში ობიექტები ფერფლად აქცია და ხალხი შემოსავლის ერთადერთი წყაროს გარეშე დატოვა. ადგილზე 10-მდე სახანძრო-სამაშველო ჯგუფი მუშაობდა. თუმცა დაკვამლიანება იმდენად მასშტაბური იყო ცეცხლის ჩაქრობას რამდენიმე საათის განმავლობაში ცდილობდნენ.
როგორც ირკვევა ხანძარი დაკეტილ მაღაზიაში გაჩნდა, ცეცხლი მარტივად აალდა და სხვა მაღაზიებსაც მოედო. სრულად დამწვარია პროდუქცია, რომელიც გასაყიდად იყო გამზადებული. საუბარია ათასობით ლარის ზარალზე, რადგან ცეცხლი დიდ მასშტაბზე გავრცელდა.
რამდენიმე საათის განმავლობაში ისნის ტერიტორია შავ კვამლში იყო გახვეული. ხანძრის გამომწვევი მიზეზები ჯერ უცნობია, თუმცა ვრცელდება სხვადასხვა ვერსიები, ერთ-ერთი ვერსიის მიხედვით, ცეცხლი სადენებს გაუჩნდა.
ახლა ჯერი გამოძიებაზეა. ექსპერტებმა უნდა თქვან უფრო მეტი, რა გახდა ხანძრის გამომწვევი მიზეზი.