ირაკლი კობახიძემ სურსათის ფასებთან დაკავშირებით საკოორდინაციო კომისია შექმნა -ამის შესახებ აღნიშნულია 30 დეკემბრის განკარგულებაში, რომელსაც ხელს ირაკლი კობახიძე აწერს.
კომისიის შემადგენლობაში არიან:
ირაკლი კობახიძე – საქართველოს პრემიერმინისტრის პოსტზე მყოფი, კომისიის თავმჯდომარე;
მარიამ ქვრივიშვილი – საქართველოს ეკონომიკისა და მდგრადი განვითარების მინისტრის პოსტზე მყოფი, კომისიის წევრი;
დავით სონღულაშვილი – საქართველოს გარემოს დაცვისა და სოფლის მეურნეობის მინისტრის პოსტზე მყოფი, კომისიის წევრი;
ლაშა ხუციშვილი – საქართველოს ფინანსთა მინისტრის პოსტზე მყოფი, კომისიის წევრი;
მიხეილ სარჯველაძე – საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პოსტზე მყოფი, კომისიის წევრი;
მამუკა მდინარაძე – საქართველოს სახელმწიფო უსაფრთხოების სამსახურის უფროსის პოსტზე მყოფი, კომისიის წევრი;
ლევან ჟორჟოლიანი − საქართველოს მთავრობის ადმინისტრაციის უფროსის პოსტზე მყოფი, კომისიის წევრი;
ირაკლი ლექვინაძე – სსიპ – საქართველოს კონკურენციისა და მომხმარებელთა დაცვის სააგენტოს თავმჯდომარე, კომისიის წევრი;
ირაკლი კობახიძემ დეკემბერში გამოაცხადა, რომ სასურსათო პროდუქტებზე ქართულ და ევროპულ ფასებს შორის სხვაობა მართლაც დიდია. მისი თქმით, სხვაობას სადისტრიბუციო კომპანიებისა და მარკეტების მაღალი ფასნამატი განაპირობებს, რომელიც საზღვრიდან დახლამდე საშუალოდ 86%-ს შეადგენს. პრემიერის პოსტზე მყოფმა სამართალდამცავ უწყებებს მოუწოდა, სასურსათო ფასებთან დაკავშირებული საკითხი შეისწავლონ და დაადგინონ, ხომ არ იკვეთება დანაშაულის ნიშნები. ამ საკითხზე სპეციალური კომისიის შექმნა იგეგმება პარლამენტშიც.