“პირველებისთვის” თბილისში, ვაკის კორტებთან მომხდარი მკვლელობის დეტალები ხდება ცნობილი.
ერთ-ერთი ვერსიით, ვაკის პოლიციასთან ახლოს მომხდარ მკვლელობის წინ უძღოდა ბიზნესმენებს შორის საქმის გარჩევა, რასაც მოყვა გასროლა.
ამ დროისთვის ცნობილია, მხოლოდ ის, რომ მამაკაცი შავ ჯიპში ჩაცხრილეს. მას მინიმუმ 5 ტყვია ესროლეს.
მიმდებარე ტეირიტორიაზე მუშაობენ კინოლოგები და ექსპერტ კრიმინალისტები, მთელი პერიმეტრი გადაკეტილია მათ შორის ავალიშვილის გზატკეცილის ერთ ნაწილი.
უცნობია, დააკავეს თუ არა მკვლელობაში ბრალდებული.
თბილისში, ვაკის კორტებთან მკვლელობა რამდენიმე საათის წინ მოხდა. მომხდარის შესახებ ინფორმაცია TVPIRVELI.GE-ს შინაგან საქმეთა სამინისტროში დაუდასტურეს.
უწყების ცნობით, გამოძიება სისხლის სამართლის კოდექსის ორი მუხლით დაიწყო. 236-ე მუხლით, რაც ცეცხლსასროლი იარაღის მართლსაწინააღმდეგო შეძენა, შენახვა, ტარება და 108-ე მუხლით, რაც განზრახ მკვლელობას გულისხმობს.