შეცვლის თუ არა პროკურატურა გადაწყვეტილებას და გაათავისუფლებენ თუ არა პატიმრობიდან ევა შაშიაშვილს? – პროტესტის შემდეგ, 4 ოქტომბრის საქმეზე დაკავებული უმძიმესი დიგანოზის მქონე ქალის მხარდამჭერები და ქალი პოლიტკიოსები საქმის პროკურორს, ვაჟა თოდუას შეხვდენენ.
თოდუა ამბობს, რომ სჭირდება დამატებითი მტკიცებულებები, რომელიც დაადასტურებს, რომ პატიმრობაში მყოფი ქალის მდგომარეობა მძიმეა და მარტოხელა დედა საჭიროა მისი შვილისთვისაც, რომელსაც ასევე განსაკუთრებული მზრუნველობა სჭირდება.
ბრალდების მხარემ განუმარტა, რომ წარმოდგენილი უნდა იყოს შესაბამისი სახის დოკუმენტები და ბრალდებსი მხარე ამ საკითხს კიდევ ერთხელ განიხილავს. დოკუმენტები ნაწილობრივ წარმოდგენილია კანცელარიაში, თუმცა აღკეთი ღონისძიების განხილვის დროს სასამართლო ითვალისწინებს არა მხოლოდ ბრალდებული ჯანმრთელობის მდგომარეობას, არამედ იმ კონკრეტულ საფრთხეებს, რომელიც მომდინარეობს ბრალებულისგან. სასამართლომ გაითვალისწინა ბრალდების მხარის პოზიცია, რომ არსებობდა მიმალვის, ასევე გარკვეულწილად, ახალი დანაშაულის ჩადენის საფრთხეები, რის გამოც აღკეთი ღონისძიების სახით დატოვა ის პატიმრობაში. თუმცა, კიდევ ერთხელ განვმარტავ, ეს არ არის საბოლოო პოზიცია. ყოველ 2 თვეში ერთხელ იხილება აღკვეთსი ღონისძიების საკითხი და ბრალდების მხარე, მას შემდეგ რაც წარმოდგენილი იქნება დოკუმენტები, კიდევ ერთხელ განიხილავს ამ საკითხს და მომდევნო სხდომაზე დააფიქსირებს მის პოზიციას” – განაცხადა პროკურორმა
ქალი პოლიტიკოსები ამბობენ, რომ ყველა მტკიცებულება მიიტანეს სასამართლოს კანცელარიში, რაც საკმარისია იმისთვის, რომ ევა შაშიაშვილს აღკვეთის ღონისძიება – პატიმრობა გირაოთი შეიცვალოს.
ყველა არსებული მტკიცებულება, ყველა არსებული საქმის გარემოება, რაც წარმოდგენილი არის ევა შაშიაშვილის საქმეში, სრულიად საკმარისი იმისთვის, რომ აღკვეთის ღონისძიება – პატიმრობა შეიცვალოს გირაოთი. ეს არა მხოლოდ სამართლებრივი, მორალური და ჰუმანიტარული საკითხია” – ამბობს თეონა ჭალძე.
ამ წუთებში, ქალ პოლიტიკოსებს ევა შაშიაშვილის საქმეზე დეპარტამენტის უფროსი, დავით გუმბერიძე, ესაუბრება.
მყისიერი რეაგირებისთვის, ისინი კვლავ მოითხოვენ გენერალურ პროკურორთან და მის მოადგილეებთან შეხვედრას, ამიტომ 18:00 საათამდე ქალი პოლიტიკოსები და ევა შაშიაშვილის მხარდამჭერები პროკურატურის შენობაში რჩებიან.