ქალი პოლიტიკოსები და აქტივისტები გენერალურ პროკურორს, გიორგი გვარაკიძეს განცხადებით მიმართავენ და მასთან შეხვედრას ითხოვენ. დოკუმენტი ქალმა პოლიტიკოსებმა საგამოძიებო ორგანოში უკვე შეიტანეს.
მოქალაქები სასწრაფო წესით მოითხოვენ ციხიდან გათავისუფლდეს სასახლის ღობის საქმეზე დაკავებული ევა შაშიაშვილი. პატიმარი ქალი ონკოპაციენტია და მისი ჯანმრთელობის მდგომარეობა მძიმედ არის შეფასებული. მას ასევე ჰყავს შეზღუდული შესაძლებლობის მქონე შვილი ჰყავს, რომელსაც სპეციალურ დაწესებულებაში ყოფნის სამთვიანი ვადა ეწურება.
ქალი პოლიტიკოსები პროკურატურ გვარაკიძეს მათთან შესახვედრად ვადას 18:00 საათამდე აძლევენ. ისინი ამბობენ, რომ მანამდე პროკურატურის ფოიეში დარჩებიან,ს ადაც ეტაპობრივად სხვადასხვა საზოგადოებირივი ჯგუფებიც შეუერთდებიან.
ჩვენ ქალი პოლიტიკოსები, ვდგავართ ერთად და მხარდაჭერას და სოლიდარობას ვუცხადებთ წინასწარ პატიმრობაში მყოფ ქალს, ევა შაშიაშვილს, ქვრივს, მარტოხელა დედას, რომელსაც ჰყავს შეზღუდული შესაძლებლობის მქონე შვილი. მას დედის გარდა სხვა მზრუნველი არ გააჩნია.
ჩვენ როგორც ქალები, დედები და პოლიტიკოსები, ვიაზრებთ დედა-შვილის მდგომარეობას და მოვითხოვთ ევა შაშიაშვილს აღკვეთი ღონისძიების სახით შეფარდებული პატიმრობა შეეცვალოს გირაოთი.
ამიტომ მოვითხოვთ გენერალურ პროკურორთან გიორგი გვარაკიძესთან და მის მოადგილეებთან ზურაბ ბელთაძესთან, გიგა ძნელაძესთან, ავთანდილ კოჭლამაზაშვილთან და ამირან გულუაშვილთან შეხვედრას.
ჩვენ ვრჩებით დღეს 18 საათამდე პროკურატურაში და ველოდებით პასუხს.
აქვე მოვუწოდებთ ევას და მისი შვილის გულშემატკივრებს მოვიდნენ საქართველოს პროკურატურასთან ორთაჭალაში, (გორგასლის 24) და გამოხატონ სოლიდარობა და მხარდაჭერა, შეუერთდნენ ჩვენს მოთხოვნას – ნათქვამია საერთო განცხადებაში.