“არ ვყოფილვარ საქმის კურსში, რომ ვყოფილიყავი ამას ჩვენი მხრიდან შესაბამისი რეაგირება მოჰყვებოდა”, – ასე ეხმაურება კახა კალაძე ბაგა-ბაღების მართვის სააგენტოს ყოფილი დირექტორის, კახა გვანცელაძის ბრალის წარდენას.
კახა კალაძის თქმით, მას არანაირი ინფორმაცია არ ჰქონდა გვანცელაძის დანაშაულებრივი საქმიანობის შესახებ და რომ სცოდნოდა, რომ გვანცელაძე ბაგა-ბაღებიდან ბავშვებისთვის განკუთვნილ ფულს იპარავდა, ამას შესაბამისი რეაგირება მოჰყვებოდა.
“არ ვყოფილვარ [საქმის კურსში]. რომ ვყოფილიყავი ამას ჩვენი მხრიდან შესაბამისი რეაგირება მოჰყვებოდა. ძალიან ბევრი თანამშრომელი არის ჩემ მიერ დანიშნული, თუმცა ეს იმას არ ნიშნავს რომ… მერიას აქვს შესაბამისი სამსახურები, 30 000-მდე თანამშრომელია. არ აქვს მნიშვნელობა, თუნდაც ჩემი დანიშნული იყოს, მას მოუწევს კანონის წინაშე პასუხი, თუ დანაშაული აქვს ჩადენილი.
მე რომ მერიაში მივედი კახა გვანცელაძე დამხვდა, იქ მუშაობდა. რას ნიშნავს ჩემი კადრი?! მე არ მყავს კადრები. როდესაც ადამიანებს ვნიშნავ სხვადასხვა თანამდებობებზე, გამოვდივარ მათი საქმიანობის შეფასებით, პროფესიონალიზმით და ა.შ. მე როდესაც გავხდი 2017 წელს დედაქალის მერიმ კახა გვანცელაძე მუშაობდა მუნიციპალიტეტის რომელიღაც სამსახურში.
ვინც დანაშაული ჩაიდინა, ის აგებს პასუხს კანონის წინაშე. მე არ ვარ მაკონტროლებელი. მაკონტროლებელი არიან შესაბამისი უწყებები. ძალიან სასაცილოები ხართ. 30 000-მდე თანამშრომელია მუნიციპალიტეტში, შესაბამისად, თუ ვინმე ჩადის დანაშაულს, კეთილი უნდა ინებოს და პასუხი აგოს.
არაერთი გაფრთხილება იყო პრევენციის სახით გაკეთებული, მათ შორის მთავრობსი სხდომებზე, რომ გადაცდენა და კანონსაწინააღმდეგოდ გადადმული ნაბიჯები არ დარჩებოდა ისე.
გამოცხადებულ და ჩატარებულ ტენდერებთან დაკავშირებით ჩვენ არ გვაქვს ინფორმაცია. მე ერთი რამ ვიცი, რომ ტენდერები ტარდებოდა სწორად. თუ იმის უკან რაიმე იმალება და აქვს საგამოძებო უწყებებს, დაველოდოთ, გამოძიებას.
არ აქვს მნიშვნელობა ვინ ვინ არის, ყველა ადამიანის შემთხვევაში უდანაშაულობის პრეზუმფციის დაცვა მნიშვნელოვანია,“ – განაცხადა კალაძემ.