საქართველოს პარლამენტის ყოფილი დეპუტატის და თიანეთის ყოფილი მერის თამაზ მეჭიაურის ჯანმრთელობის მდგომარეობა გაუმჯობესდა. ამის შესახებ ინფორმაცია პოლიტიკოსის მეგობარმა, ყოფილმა დეპუტატმა ემზარ კვიციანმა MIX – მეტრონომს მიაწოდა.
“მისი ჯანმრთელობის მდგომარეობა უკეთესობისკენ მიდის, გაუმჯობესდა. კრიზისი გადალახულია. ახლა ველოდებით ანალიზების პასუხს, რომ სრულყოფილი ინფორმაცია მივიღოთ”, – განუცხადა MIX – მეტრონომს კვიციანმა.
ცნობისთვის, თამაზ მეჭიაური კორონავირუსის დიაგნოზით საავადმყოფოში რამდენიმე დღის წინ მოათავსეს.
მისივე თქმით, თამაზ მეჭიაური მკრუნალობას ჰოსპიტალური კლინიკაში განაგრძობს.
27 იანვარს, სოციალურ ქსელში პოლიტიკოსმა თავად გაავრცელა პოსტი და საზოგადოებას აცნობა, რომ COVID-19 დაუდასტურდა.
“კოვიდს ვერც მე გადავურჩი, დღეს დამიდასტურდა…საკონტაქტო პირებს გთხოვთ გაიაროთ ტესტირება…პ.ს. ტანკისტობამ ვერ მიშველა, საავადმყოფოში გადამიყვანეს…,” – დაწერა თამაზ მეჭიაურმა.