რუსთაველის თეატრის სამხატვრო ხელმძღვანელი რობერტ სტურუა “ფეისბუქი”-ს პირად გვერდზე შემდეგი სახის ჩანაწერს აქვეყნებს:
“ე ს დ ღ ე ს ა ც გ რ ძ ე ლ დ ე ბ ა!
“…დიდი დაკვირვებით მხოლოდ მოსისხლე მტრები გვითვალთვალებენ.
ასეთ ვერაგულ ჩაკირკიტებას არც მეგობარი, არც შეყვარებული და ვერც საყვარელი ვერ გაგიბედავს! ვისაც სძულხარ და ვერ გიტანს ის არ გაცილებს ეჭვიან მზერას…”
ცნობილი ფილოსოფოსი ასე ფიქრობს.
და უნდა მოგახსენოთ, რომ რუსთაველის თეატრი ბევრს სძულს… ასე იყო მუდამ!
დიახ, მუდამ და ასე გრძელდება!
ახმეტელის გენიამ ეს სიძულვილი ქართველ საზოგადოების მოდად აქცია:
“როგორ გაბედა ვიღაც რეჟისორმა
ხორავას და ვასაძის თეატრიდან გაშვება!..”
(ის რომ ბაქოში ჩვენი თეატრის გასტროლების დამთავრებისას ორივე მსახიობი გალეშილი გამოცხადდა და სცენაზე სპექტაკლის დროს მთვრალები რაღაცას ლუღლუღებდნენ – ვითომ არაფერიო?!) ლავრენტი ბერია ვერ გაბედავდა დიდი რეჟისორის ასე სასტიკად განადგურებას! დიდი ილიაც ასე გაიმეტეს, ჯერ ჭორები დაუყარეს: გლეხებს ჩაგრავსო, წყალი გადაუკეტაო, სასტიკი კაპიტალისტიაო – და მერე კი ვერაგულად მოკლეს… თუ სძულხარ – ესე იგი მაგარი ხარ!
“უჯიშო ლეკვის კბენა არაფერს გიზამს”- ამბობს კონფუცი!
შენც ასე უნდა დაიწყნარო თავი!
გულუბრყვილოს, თუ გიშველის, რასაკვირველია!”
