“რაც დავინახე, ბევრად ცუდად გამოიყურება, ვიდრე წინა პროცესებზე…” , – ამის შესახებ მსჯავრდებული ექს-პრეზიდენტის დედამ გიული ალასანიამ მისი შვილის ჯანმრთელობის მდგომარეობის შესახებ “მთავარ არხთან” საუბრისას განაცხადა.
“ადამიანი თვენახევარია პირადი ექიმის დაშვებას, ადეკვატურ მკურნალობას ითხოვს და ამ ნებართვას ვერ ვიღებთ. და საერთოდ არანაირი გამოკვლევა მას (მიხეილ სააკაშვილს) არ ჩატარებია. მკურნალობაზე საუბარიც ზედმეტია”, – ამბობს ალასანია “მთავართან” საუბარში.
ცნობისთვის, ექს-პრეზიდენტმა დღეს სასამართლო დარბაზში სიტყვით გამოსვლისას განაცხადა, რომ მისი ჯანმრთელობის მდგომარეობა მძიმეა და ექიმების მეთვალყურეობას საჭიროებს.