რუსეთის პრეზიდენტი ვლადიმერ პუტინი განცხადებას ავრცელებს და ამბოიბს, რომ თუ კიევი არ დათანხმდება არსებული სამშვიდობო მოლაპარაკების პირობებს მაშინ რუსეთი იძულებული გახდება მისი ისტორიული საკუთრება სამხედრო გზით დაიბრუნოს.
„თუ მოწინააღმდეგე მხარე და მათი უცხოელი მფარველები უარს იტყვიან არსებით საუბარში ჩართვაზე, რუსეთი თავისი ისტორიული მიწების განთავისუფლებას სამხედრო გზით მიაღწევს.
სპეციალური სამხედრო ოპერაციის მიზნები აუცილებლად იქნება მიღწეული.
რა თქმა უნდა, სტრატეგიული ბირთვული ძალების გაუმჯობესება ჩვენთვის პრიორიტეტულია. როგორც ადრე, ისინი მნიშვნელოვან როლს შეასრულებენ აგრესორის შეკავებასა და მსოფლიოში ძალთა ბალანსის შენარჩუნებაში.
მოქმედების შეუზღუდავი რადიუსის მქონე სტრატეგიული ფრთოსანი რაკეტა „ბურევესტნიკი“ და უეკიპაჟო წყალქვეშა ხომალდი „პოსეიდონი“ წარმატებით გამოსცადეს. ეს სისტემები დიდი ხნის განმავლობაში უნიკალური და განუმეორებელი დარჩება. ისინი ათწლეულების განმავლობაში უზრუნველყოფენ სტრატეგიულ პარიტეტს, უსაფრთხოებას და რუსეთის გლობალურ პოზიციას“, – განაცხადა პუტინმა.