დონალდ ტრამპმა დამატებით შვიდი ქვეყნის მოქალაქეებს აშშ-ში შესვლა აუკრძალა – აღნიშნულის შესახებ ინფორმაციას Reuters-ი ავრცელებს.
გადაწყვეტილების თანახმად, სრული აკრძალვა ბურკინა-ფასოს, მალის, ნიგერის, სამხრეთ სუდანის, სირიის, ლაოსისა და სიერა ლეონეს მოქალაქეებზე გავრცელდება. ასევე, აკრძალვა შეეხება პალესტინის ეროვნული ადმინისტრაციის მიერ გაცემული სამგზავრო დოკუმენტების მფლობელ პირებს.
“სირია სამოქალაქო არეულობისა და შიდა დაპირისპირების ხანგრძლივი პერიოდიდან გამოდის. მიუხედავად იმისა, რომ ქვეყანა აშშ-სთან მჭიდრო თანამშრომლობით უსაფრთხოების გამოწვევების მოგვარების მიზნით მუშაობს, სირიაში ჯერ კიდევ არ მოქმედებს პასპორტების გაცემის ადეკვატური ცენტრალური ორგანო და შესაბამისი შემოწმების პროცესი“ – განაცხადა აშშ-ის ადმინისტრაციამ.