აშშ-ში ახალგაზრდა ქალს სამუდამო პატიმრობა შეეფარდა მეგობრის 18 თვის ვაჟის მკვლელობის საქმეზე. ამის შესახებ უცხოური მედია წერს.
გამოცემის ცნობით, ქალი დამნაშავედ ცნეს ხუთი სხვადასხვა მუხლით. ის პირველად 2024 წლის იანვარში დააკავეს, როცა 14 იანვარს უნივერსიტეტის კამპუსზე 18 თვის რომეო ანჯელესი უმწეო მდგომარეობაში იპოვეს. მაშინ 18 წლის ბრალდებული უნივერსიტეტის სტუდენტი იყო.
სასამართლოზე პროკურორებმა განაცხადეს, რომ ქალს ბავშვი არ მოსწონდა, რადგან საკუთარი შვილის ყოლას გეგმავდა მეგობარ ბიჭთან ერთად და პატარა მისი „ბარიერი“ იყო.
საბრალდებო დასკვნის მიხედვით, ბავშვზე ფიზიკური ძალადობა მოიცავდა ბლაგვი საგნით მიყენებულ მძიმე დაზიანებებს თავისა და ტანის არეში.
მკვლელობის დღეს საერთო საცხოვრებლის სტუდენტებმა განაცხადეს, რომ ბავშვი დიდხანს ტიროდა, შემდეგ კი ხმაური უეცრად შეწყდა. როგორც ერთ-ერთმა სტუდენტმა აღნიშნა, „ყველა მიხვდა, რომ რაღაც მოხდა, მაგრამ არავინ იცოდა რა“.