რუსული მედია წერს, რომ რუსეთის პრეზიდენტმა ვლადიმირ პუტინმა ხელი მოაწერა ბრძანებას, რომლის მიხედვითაც 2026 წელს რეზერვში მყოფ რუსეთის მოქალაქეებს სამხედრო წვრთნებზე გამოიძახებენ.
8 დეკემბერს ხელმოწერილ დოკუმენტში ნათქვამია, რომ რუსეთის მოქალაქეებს რუსეთის შეიარაღებული ძალების სამაშველო სამხედრო ფორმირებებისა და სახელმწიფო დაცვის ფედერალური სამსახურის წვრთნებზე გამოიძახებენ.
პუტინმა ცენტრალურ მთავრობასა და რეგიონულ ხელისუფლებებს წვრთნებისა და რეზერვისტების გამოძახების ორგანიზება დაავალა. ამასთან, ის მიერ გაცემული ბრძანების ოთხი პუნქტიდან, ორი გასაიდუმლოებულია.
რუსეთის მთავრობის დადგენილების მიხედვით, სამხედრო წვრთნებზე გამოძახებული რეზერვისტების რაოდენობას პრეზიდენტი მთავრობის წინადადების საფუძველზე, არმიის საჭიროებების გათვალისწინებით, განსაზღვრავს.
ოქტომბერში მიღებული კანონის მიხედვით, ასევე შესაძლებელია რეზერვისტების კრიტიკულად მნიშვნელოვანი ობიექტების დასაცავად გაგზავნაც.